حوار أجيال

المشهد الأول:
(أواسط العشرينات من القرن الماضي،يدخل الابن بطربوشه المعوج الى غرفته ويحمل اسطوانه تحت ابطه الأيسر، يضعها في جهاز الجرامافون ليأتيه صوت محمد عبد الوهاب "مضناك جفاه ومرقده" ينسجم الشاب مع الأغنية وتعلو تأوهاته بحيث لا يلحظ دخول الأب من خلفه )
الأب: (زاعقا) ايه اللي انت بتسمعه ده
الابن : (يغلق الجهاز في رعب) ده محمد عبد الوهاب يا بابا
الأب: ايه الشباب المايع ده؟ فين أدوار سي عبده الحامولي!
المشهد الثاني:
(أواسط الخمسينات ، يدخل الشاب الى منزله مسرعا، يدير مؤشر الراديو العتيق اموضوع فوق المكتبة،يبدأ في تغيير المحطات الى أن يأتيه صوت عبد الحليم حافظ :"على قد الشوق اللي في عيوني يا جميل...سلم" يندمج الابن مع الأغنية بحيث لا يلحظ دخول الأب الى الغرفة)
الأب: (متجهما) ايه اللي انت بتسمعه ده؟
الابن:(مذعورا) ده عبد الحليم حافظ يا بابا
الأب : (وقد زاد تجهمه) ايه الشباب المايع ده ؟ فين اغاني محمد عبد الوهاب!
المشهد الثالث:
(أواسط التسعينات، الابن في غرفته يضع البطاريات في جهاز المسجل الصغير بحذر شديد ،ثم يضع الشريط داخل المسجل ليأتيه صوت محمد منير: "تعالى نلضم أسامينا ...الفلة جنب الياسمينة" يندمج الابن مع الأغنية بحيث لا يلحظ دخول الأب الى غرفته)
الأب: ايه اللي بتسمعه ده؟
الابن : (يرد دون أن يغلق الجهاز) ده محمد منير يا بابا
الأب: (يغادر الغرفة مهمهما) ايه الشباب المايع ده؟ فين أيام عبد الحليم حافظ؟
المشهد الرابع:
(عام 2050 ، الابن والأب في غرفة الجلوس ، يضع الابن سماعات الأي بود في أذنيه ويقوم ليرقص على أنغام اغنية لا نسمعها امام والده غير عابىء بوجوده)الأب: (يتأفف ويدير وجهه عن الابن) ايه الشباب المايع ده؟ فين أيام الطرب الشعبي الأصيل؟ الله يرحمك يا شعبولا!!