Wednesday, August 30, 2006

الشاطر حسن


من شعر: فؤاد حداد
حسن شاطر حسن خيال
بعود فارع وقلب عيال
وسيف في يمينه بيلالي
مراية قصر في المقيال
ومهرة يزينها وتزينه
على جبينها وعلى جبينه
هلال وهلال
يعينها زي ما تعينه
واخلاصهم مالهش مثال
حسن شاطر
لجام المهرة على الغارب
حسن لف وحسن حارب
ونورهم في السما ضارب
هلال وهلال
وأنا عطشان ومش شارب
لحد ما أبشر الأجيال
حسن شاطر
وكانت مهرة جنية
وكانوا ملوك جناينية
ومن رقصة لأغنية
هلال وهلال
لمحها الطير وقال هيه
وحط الانسانية وشال
حسن شاطر
رقصنا الليل وغنينا
وفوق الخيل ما ونينا
حسن والمهرة في عينينا
هلال وهلال
وست الحسن في جنينة
بتسقي الورد بالموال
حسن شاطر

2 comments:

شــهــروزة said...

هو دة الشاطر حسن
كنت اسمع عنه زمان
لكن مشفتوش ولا مرة
شفته هناك
فى لبنان وسط شجر الارز
كان نفسى يطلع من هنا
لكن انا فقدت الامل فى كدة
اثبتنا ان ريادتنا لا تتعدى ريادة فى فراش العاهرات فقط
وفى تسابق الشواذ الى السلطة
وفى سطوة المجرمين والسيكوباتيين على مقاديرنا
هنيئا لك لبنان بميلاد الشاطر حسن فى احضانك
انتى تستحقى الريادة عن حق

بحب مصر said...

عملت مدونة جديدة اسمها التغيير و ياريت تشرفنى بالزيارة و كل الموجدين عندك
http://taghier.blogspot.com/