Tuesday, December 23, 2008

جامعة بلا طلاب


لم استغرب على الاطلاق من موقف رئيس جامعة القاهرة الذي افرغ الجامعة من طلابها يوم زيارة الرئيس لها ، بل استغرب من موقف الذي استغربوا سلوكه

سلوكه هذا الرجل وكل من هم في مثل منصبه لا يجب ان يفاجيء احدا بل ان نستغرب ان فعلوا العكس

فالجامعات في ارض المحروسة يديرها رجال الأمن اولا واخيرا وبفضل لائحة كريهة تعرف باسم لائحة 1979 "الطلابية" رغم ان الطلبة لا ناقة لهم فيها ولا جمل

بمعنى اخر فإن كافة "الدكاترة" الأفاضل المتربعين على كراسي العمداء ورؤوساء الجامعات لم يخترهم زملائهم ولم ينتخبهم طلبتهم وانما هبطوا بالبراشوت على هذه المقاعد بفضل توصية امنية من اسيادهم

ولذا فان ولائهم اولا واخيرا هو للنظام القائم الذي عينهم حتى وان ادى ذلك الى ان تكون جامعاتهم بلا طلبة ارضاء لأسيادهم

وهو بطبيعة الحال العكس تماما من وضع الجامعات على مستوى العالم ، فالمسؤول المنتخب يكون ولائه لناخبيه وهمه هو ارضائهم حتى وان تعارض ذلك مع السلطة

فلا عجب اذا ألا تندرج جامعة مصرية واحدة ضمن الجامعات الخمسين الأفضل على مستوى العالم

ان السبيل الوحيد لانقاذ جامعات المحروسة بل وكافة مؤسساتها هو ان تعود الجامعة كما كانت ذات يوم

مكانا يملك فيه الطلبة الكلمة

والحق في انتخاب ممثليهم واتحاداتهم

وحتى ذلك اليوم

سنبقى "جامعة بلا طلبة"

7 comments:

doaa said...

فعلاً شيء محزن ولكني لا أرى هذه المهزلة في الجامعات فقط بل إنها تتجلى تماماً في كثير إن لم يكن كل المؤسسات والهيئات المهمة والمسؤلة في الدولة
نظل نحيا في مسلسلات هزلية لا طعم لها ولا معنى ولا نملك فيها حتى هذا الدور العبثي
تحياتي

تايه في وسط البلد said...

انا اسف يا العصفور لكن التقييم للجامعات الخمسمائة فيما اعتقد وهذا مما يضاعف الحسرة عشر مرات
انا معك اننا لم يكن لنا ان نتعجب من تفريغ رئيسالجامعة لطلابها يوم الزيارة لكني صرت اخاف من ان يكون هذا سلوك عمومي معتاد ولا ننتبه الا وقد سلبنا ملابسنا!!ه

كل التحية وحمد الله علي السلامة

Zika said...

تصدق انا واصحابي كنا قاعدين بنتكلم علي الموضوع ده
وتخيلنا انهم جابوا طلاب تيك اواي ( مخبرين يعني ) وال ايه خير اللهم اجعلوا خير الريس يخش يسلم عالطلبه وال ايه
الطلبه لابسين ابيض في ابيض اكنهم طلبه فعلا يعني
والريس ماشي في الجامعه ومافيش ولا طالب قام يبوس ايد الريس
وهكذا
تخيل معايا
بس وسع مخيلتك شويه
معرفش ليه يا اخي اليوم اللي ربنا يهديني وانزل فيه الجامعه
اجي ادخل الاقيلك عفاريت سودا ( قوات امن ) ماليين المكان
عايز اعدي يقولولي هتعدي ليه
قولتلهم عايز اروح الجامعه يقولولي مفيش جامعه النهرده النهرده اجازه
الريس جاي
اول ما قالي الريس جاي قلت لا انا اخدها من قاصرها وامشي
اصل انا وهو ما بنعمرش في مكان واحد
فيه مشاكل بيني وبيني
ولا انا بحبه
ولا هو يحبني
:d
طبعا ده من وحي خيالي انا منزلتش اليوم ده من البيت لاني كنت عارف طبعا ان الريس هناك
:D:D:d
اما بعد التهييس والرغي ده كله
مدونتك جميله جدا
اول مره ادخلها بصراحه وان شاء الله ماتكونش الاخيره
تحياتي

Hesny said...

في رأي إننا نحمد ربنا إنهم عملوا إخلاء للطبله بطريقه مهذبه واحنا عارفين ممكن في قائق معدوده كل طلبة الجامعه يصبحوا في السجون تحريات ولا انتم مش مصدقين انهم عندهم الكفاءه و القدره انهم يجمعوا طلبة الجامعه كلها في المعتقل بلا أدني خزي لحماية الباشا أكيد الطلبه فيهم واحد عاوز يغتاله يبقي من الواجب الوطني إن الريس يفضل محمي ومش مشكله يموت الشعب

Zika said...

ايه يا ريس انت فين

Zika said...

ايه يا ريس انت فين

سارة نجاتى said...

سلام عليكم

بص يا سيدى , أخويا بيدعى أنه من نظرة يقدر يعرف اذا كان الشخص ده منافق و لا لأ , يعنى بتاع حكومة و لا لأ , الصراحة مصدقتهوش لحد ما شفت العميد بتاعنا فى اول ليا فى الكلية ,زى ما يكون وشه
مكتوب عليه
هههههههه
باختصار مفيش تعليم حقيقى , مفيش نشاط طلابى حقيقى , و لا مناخ صحى للطلبة و الشباب عموما طول ما الأجهزة الأمنية فاتحة فرع ليها جوا الجامعات , لأنها كده تبقى أى حاجة غير انها مؤسسة تعليمية و تربوية.

تحياتى